ഉപ്പ് / uppu

ഉപ്പ്
-----------------
മധുശങ്കർ 

ഏതാശുപത്രിയുടെയും
ഫേഷ്യൽ ചെയ്ത മുഖത്തിന് 
ഒരു മറുവശമുണ്ട്... 

അവിടെയാണല്ലോ 
അടുപ്പിൽ വെന്തുകൊണ്ടിരുന്ന 
ഒരു കഞ്ഞിക്കലം കൈക്കലകൂട്ടി 
പതിയെ, നാലാൾ ചേർന്ന്
വാങ്ങിവയ്ക്കുന്നത്! 

ആംബുലന്‍സിലേക്ക് കയറുംമുൻപ്
ആ കഞ്ഞിക്കലത്തിന്റെ
അടപ്പ് ഞാൻ തുറന്നുനോക്കി... 
ഉപ്പുണ്ടായിരുന്നില്ല 
തിളച്ചുതൂവിയ 
വറ്റിന്...! 


Comments

Popular posts from this blog

തലക്കെട്ട്

ലജ്ജ / lajja

വികൃതി / vikrithy